വൃക്ക മാറ്റിവയ്ക്കല്‍ ശസ്ത്രക്രിയ നടത്താന്‍ യുവാവ് സഹായം തേടുന്നു
ചെറുപുഴ: വൃക്ക മാറ്റിവയ്ക്കല്‍ ശസ്ത്രക്രിയ നടത്താന്‍ യുവാവ് സഹായം തേടുന്നു. കോഴിച്ചാലിലെ തെക്കേതകിടിയേല്‍ ബിജു വര്‍ഗീസാണ് (42) സുമനസുകളുടെ സഹായം അഭ്യര്‍ഥിക്കുന്നത്. ബിജുവിന് കമില്ലസ് സന്ന്യാസസഭാംഗമായ വൈദികന്‍ വൃക്ക നല്‍കാമെന്ന് പറഞ്ഞിരിക്കുകയാണ്. ഇതുമായി ബന്ധപ്പെട്ട് പരിശോധനകളെല്ലാം പൂര്‍ത്തിയായിട്ടുണ്ട്. പേപ്പര്‍ജോലികളും പൂര്‍ത്തിയാക്കി. ഒക്ടോബര്‍ ആദ്യം കോഴിക്കോട് ഇഖ്ര ആശുപത്രിയില്‍ ശസ്ത്രക്രിയ നടത്താനാണ് തീരുമാനം.
ഇനി ശസ്ത്രക്രിയയ്ക്കുള്ള പണം കണ്ടെത്തണം. ചികിത്സയ്ക്കായി ഇതുവരെ നല്ലൊരു തുക മുടക്കിക്കഴിഞ്ഞു. ഭാര്യയും മൂന്നു കൊച്ചുകുട്ടികളുമടങ്ങുന്നതാണ് ബിജുവിന്‍റെ നിര്‍ധന കുടംബം. കൃഷിപ്പണിചെയ്ത് കുടുംബം പുലര്‍ത്തിയിരുന്ന ബിജുവിന് ഇപ്പോള്‍ പണികളൊന്നും ചെയ്യാന്‍ കഴിയുന്നില്ല.
സഹായം Deepika Charitable Turst നു South India Bank ന്‍റെ കോട്ടയം ശാഖയിലുള്ള അക്കൗണ്ടിലേക്ക് അയയ്ക്കാം. അക്കൗണ്ട് നന്പര്‍ 00370730 00003036 IFSC Code SIBL 0000037 ദീപിക ചാരിറ്റബിള്‍ ട്രസ്റ്റിന്‍റെ പേരില്‍ പണം അയയ്ക്കുന്പോള്‍ ആ വിവരം [email protected] ലേക്ക് ഇമെയില്‍ ആയോ (91) 93495 99068 ലേക്ക് എസ്‌എംഎസ് ആയോ അറിയിക്കണം. സംശയങ്ങള്‍ക്ക് (91) 93495 99068.
