വിദ്യാര്‍ഥിയെ എസ്‌ഐ മര്‍ദിച്ചതില്‍ നടപടി വേണമെന്നാവശ്യപ്പെട്ട്‌ പ്രതിഷേധ മാര്‍ച്ച്‌
കോഴിക്കോട്: വനിത ഹോസ്റ്റലിനടുത്ത് വച്ച്‌ വിദ്യാര്‍ഥിയെ എസ്‌ഐ മര്‍ദിച്ചതില്‍ പ്രതിഷേധിച്ച്‌ വിദ്യാര്‍ഥികളുടെ മാര്‍ച്ച്‌. കോഴിക്കോട് മെഡിക്കല്‍ കോളജ് എസ്‌ഐക്കെതിരെ നടപടി വേണമെന്നാവശ്യപ്പെട്ടാണ് പ്രതിഷേധ മാര്‍ച്ച്‌.
വെള്ളിയാഴ്ച രാത്രിയായിരുന്നു സംഭവം. പോലീസ് മര്‍ദനത്തില്‍ കഴുത്തിലെ എല്ലിനും ഇടുപ്പെല്ലിനും പരിക്കേറ്റ വിദ്യാര്‍ഥിക്ക് ഗുരുതരാവസ്ഥയില്‍ കോഴിക്കോട് ജനറല്‍ ആശുപത്രിയില്‍ ചികിത്സയിലാണ്. എന്നാല്‍ ആരോപണം എസ്‌ഐ നിഷേധിച്ചിരുന്നു.
