മുഖ്യമന്ത്രിയും ഗവര്ണറും പെട്ടിമുടി ദുരന്ത ഭൂമിയിലെത്തി
മൂന്നാര്: മുഖ്യമന്ത്രി പിണറായി വിജയനും ഗവര്ണര് ആരിഫ് മുഹമ്മദ് ഖാനും പെട്ടിമുടി പെട്ടിമുടി ദുരന്തഭൂമിയിലെത്തി. മുന്നാറിൽ ഹെലികോപ്റ്ററിലെത്തിയ സംഘം റോഡ് മാര്ഗമാണ് പെട്ടിമുടിയിലെത്തിയത്. റവന്യുമന്ത്രി, ചീഫ് സെക്രട്ടറി, ഡിജിപി എന്നിവരും സംഘത്തിലുണ്ട്. വൈദ്യുതി മന്ത്രി എം.എം. മണിയും എംഎല്എ. കെ.കെ. ജയചന്ദ്രനും ഉദ്യോഗസ്ഥരും ചേര്ന്നാണ് നേരത്തെ ഇവരെ ആനച്ചാലില് സ്വീകരിച്ചത്.
ഒന്നര മണിക്കൂര് റോഡ് മാര്ഗംമുള്ള യാത്രചെയ്താണ് ഇവര് ദുരന്തഭൂമിയില് എത്തിയത്. ഉരുള്പ്പൊട്ടലുണ്ടായ സ്ഥലം സന്ദര്ശനം പൂർത്തിയാക്കി സംഘം മടങ്ങി ഉച്ചക്ക് ശേഷം മുഖ്യമന്ത്രി ഉന്നതതല യോഗത്തില് പങ്കെടുക്കും. ഇതിനു ശേഷം മാധ്യമങ്ങളെ കാണും. ഉച്ചകഴിഞ്ഞ് രണ്ടോടെ തിരുവനന്തപുരത്തേക്ക് തിരിക്കും. അതേസമയം, പെട്ടിമുടി ദുരന്തത്തില് മരിച്ച 55 പേരുടെ മൃതദേഹങ്ങള് ഇതുവരെ കണ്ടെത്തി. 15 പേരെയാണ് ഇനി കണ്ടെത്താനുള്ളത്.