മാറ്റിവെച്ച ഭാഗ്യക്കുറി നറുക്കെടുപ്പ് 25 മുതൽ പുനരാരംഭിക്കുന്നു
തിരുവനന്തപുരം: കോവിഡ് നിയന്ത്രണങ്ങളുടെ ഭാഗമായി മാറ്റിവച്ച ഭാഗ്യക്കുറികളുടെ നറുക്കെടുപ്പ് 25 മുതല്‍ തുടങ്ങും. സ്ത്രീശക്തി 259, അക്ഷയ 496, കാരുണ്യ പ്ലസ് 367, നിര്‍മല്‍ 223, വിന്‍വിന്‍ 615, സ്ത്രീശക്തി 260, അക്ഷയ 497, ഭാഗ്യമിത്ര- ബിഎം ആറ്, ലൈഫ് വിഷു ബമ്പര്‍ – ബിആര്‍ 79 എന്നിവയുടെ നറുക്കെടുപ്പ് യഥാക്രമം ജൂണ്‍ 25, 29 ജൂലൈ രണ്ട്, ആറ്, ഒമ്പത്, 13,16, 20, 22 തീയതികളില്‍ നടത്തും. ഭാഗ്യക്കുറി ഓഫീസുകളില്‍ വ്യാഴാഴ്ച മുതല്‍ ലോട്ടറി വില്‍പ്പന പുനരാരംഭിക്കും. ജീവനക്കാരുടെ എണ്ണം സര്‍ക്കാര്‍ നിര്‍ദേശങ്ങള്‍ക്ക് അനുസൃതമായി പരിമിതപ്പെടുത്തും.
