ബീച്ച് ആശുപത്രിയിലെ കാന്റീനില് ദോശയില് ബ്ലേഡ് കഷണം
കോഴിക്കോട്: ബീച്ച് ആശുപത്രിയിലെ കാന്റീനില് ദോശയില് ബ്ലേഡ് കഷണം. പരാതി ഉയര്ന്നതിനെതുടര്ന്ന് ആരോഗ്യവിഭാഗം ഉദ്യോഗസ്ഥർ എത്തി കാന്റീൻ അടച്ച്പൂട്ടി. ഇന്നലെ രാവിലെയാണ് സംഭവം. കാന്റീന് വൃത്തിഹീനമായ സാഹചര്യത്തിലാണ് പ്രവര്ത്തിക്കുന്നതെന്ന് നേരത്തെ ആക്ഷേപമുണ്ടായിരുന്നു.
ഭക്ഷണം കഴിക്കാനെത്തിയ ആശുപത്രി ജീവനക്കാരന് തന്നെ പരാതിയുമായി എത്തിയതോടെ ഹോട്ടല് അടച്ചുപൂട്ടാന് നിര്ദേശിക്കുകയായിരുന്നു. ഇവിടെ നിന്നും പഴകിയ ഒന്നരകിലോ മീനും അമ്പതിലധികം ചപ്പാത്തിയും പിടികൂടി.
രോഗികള് ഉള്പ്പെടെ നിരവധിപേര് ഭക്ഷണം കഴിക്കുന്ന കാന്റീനാണിത്. കോര്പറേഷന് ഹെല്ത്ത് ഓഫീസര് ആര്.എസ് ഗോപകുമാര്, ജൂണിയര് ഹെല്ത്ത് ഓഫീസര് രജത്ത് കുമാര് ഉള്പ്പെടെയുള്ള ഉദ്യോഗസ്ഥരാണ് റെയ്ഡ് നടത്തിയത്.