പെരുമ്പാവൂരില് ലോറിക്കു പിറകില് കാറിടിച്ച് യുവാവ് മരിച്ചു
പെരുമ്പാവൂര്: എംസി റോഡില് ചേലാമറ്റം കാരിക്കോട് പമ്പിനു സമീപം ലോറിക്കു പിറകില് കാറിടിച്ച് യുവാവ് മരിച്ചു. മൂന്നു പേരെ ഗുരുതര പരിക്കുകളോടെ എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു.
കാലടി മെട്രോ ഗ്രൂപ്പ് ഉടമ ഇട്ടിയാട്ടുകര കോയയുടെ മകന് ആദില് (24) ആണ് മരിച്ചത്. ഒപ്പമുണ്ടായിരുന്ന നിസാം (23), വൈശാഖ് (26), രാഹുല് (24) എന്നിവര്ക്കാണ് പരിക്കേറ്റത്.
പുലര്ച്ചെ ഒന്നോടെയായിരുന്നു അപകടം. പെരുമ്ബാവൂര് ഭാഗത്തേക്കു വരികയായിരുന്ന ലോറിക്ക് പിറകിലാണ് കാര് ഇടിച്ചത്. അപകടകാരണം വ്യക്തമല്ല. ആദിലിന്റെ സംസ്കാരം ഇന്ന് വൈകുന്നേരം നാലിന് ശ്രീ മൂലനഗരം ചുള്ളിക്കാട് ജുമാ മസ്ജിദില് നടക്കും.