പാലാഴിയില് എം.ഡി.എം.എ കൈവശം വെച്ച രണ്ടു പേരെ പൊലീസ് പിടികൂടി
കോഴിക്കോട്: പാലാഴിയില് ഫ്ലാറ്റില് എം.ഡി.എം.എ കൈവശം വെച്ച രണ്ടു പേരെ പൊലീസ് പിടികൂടി. നല്ലളം ഫാത്തിമാസില് അബ്ദുല് അഹദ് (40), നല്ലളം അവറയില് പറമ്ബ് ജിഷാദ് (33) എന്നിവരാണ് പന്തീരാങ്കാവ് ഇന്സ്പെക്ടര് ബൈജു കെ. ജോസിൻ്റെ നേതൃത്വത്തില് പൊലീസും കോഴിക്കോട് സിറ്റി ഡാന്സഫ് ടീമും ചേര്ന്ന് പിടികൂടിയത്.
പാലാഴിയിലെ സ്കൂളിന് സമീപത്തായുള്ള ഒയോറൂം ഫ്ലാറ്റില് നിന്നാണ് ഇവര് പിടിയിലായത്. ഒരാഴ്ച മുമ്ബ് 50 ലക്ഷത്തിലേറെ വിലവരുന്ന എം.ഡി.എം.എയുമായി നിലമ്ബൂര് സ്വദേശിയെ എക്സൈസ് സംഘം പിടിച്ചിരുന്നു. പ്രദേശത്ത് ലഹരിമരുന്ന് കച്ചവടവും ഉപഭോഗവും വര്ധിച്ചു വരുന്ന സാഹചര്യത്തില് പൊലീസും എക്സൈസും നിരീക്ഷണം ശക്തമാക്കുന്നുണ്ട്.