കോഴിക്കോട് നഗരപരിധിയിലുള്ളവര്ക്ക് മില്മ ഉത്പന്നങ്ങള് ഇനി ഓണ്ലൈനിലും
കോഴിക്കോട്: മൊബൈലില് വിരലമര്ത്തിയാല് ഇനി മില്മ ഉത്പന്നങ്ങള് വീട്ടിലെത്തും.
കോഴിക്കോട് നഗരപരിധിയിലുള്ളവര്ക്കാണ് ഇന്ന് മുതല് ഓണ്ലൈനായി ഉത്പന്നങ്ങള് വാങ്ങാന് മില്മ സൗകര്യമൊരുക്കുന്നത്. പ്രമുഖ ഓണ്ലൈന് ഫുഡ് സേവനദാതാക്കളായ സ്വിഗിയുമായി സഹകരിച്ചാണ് പദ്ധതി. സേവനദാതാക്കളുടെ മൊബൈല് ആപ്ലിക്കേഷന് വഴിയോ, വെബ്സൈറ്റ് വഴിയോ ഉപഭോക്താക്കള്ക്ക് മില്മ ഉത്പന്നങ്ങള് ഓര്ഡര് ചെയ്യാം. പ്രഥമ ഘട്ടത്തില് പേഡ, ഗുലാബ്ജാമൂണ്, ഐസ്ക്രീം, കേക്ക് തുടങ്ങിയ 25 ഓളം ഉത്പന്നങ്ങളാണ് ഉള്പ്പെടുത്തിയിരിക്കുന്നത്. ചുരുങ്ങിയത് 100 രൂപയുടെയെങ്കിലും ഉത്പന്നങ്ങള് ഓര്ഡര് ചെയ്യണം.