കാണാതായ റാന്നി പോലീസ് സ്റ്റേഷനിലെ എസ്‌.ഐ തിരിച്ചെത്തി
കോട്ടയം: കാണാതായ റാന്നി പോലീസ് സ്റ്റേഷനിലെ എസ്‌.ഐ കുരുവിള ജോര്‍ജ് തിരിച്ചെത്തി. കോട്ടയം കഞ്ഞിക്കുഴിയിലെ വീട്ടിലാണ് എസ്‌ഐ തിരിച്ചെത്തിയത്. മാറി നില്‍ക്കാനുണ്ടായ സാഹചര്യത്തെ കുറിച്ച്‌ പ്രതികരിക്കാനില്ലെന്നും എസ്‌ഐയും കുടുംബവും പറഞ്ഞു.
കഴിഞ്ഞ മൂന്നു ദിവസമായി കുരുവിളയെ കാണാനില്ലെന്ന് ഇദ്ദേഹത്തിന്‍റെ അച്ഛന്‍ ജോര്‍ജ് കുരുവിള പരാതി നല്‍കിയിരുന്നു. ഇദ്ദേഹത്തിന്‍റെ പരാതിയില്‍ കോട്ടയം ഈസ്റ്റ് പൊലീസ് കേസെടുത്ത് അന്വേഷണം ആരംഭിച്ചിരുന്നു. അതിനിടെയാണ് എസ്‌ഐ വീട്ടില്‍ തിരിച്ചെത്തുന്നത്. കഴിഞ്ഞ ദിവസം ഇദ്ദേഹത്തിന്‍റെ എടിഎം കാര്‍ഡ് ഉപയോഗിച്ച്‌ മൈസൂരില്‍ നിന്ന് പണം പിന്‍വലിച്ചതായി പോലീസിന് വിവരം ലഭിച്ചിരുന്നു.
