കലവൂരില് യുവാവിനെ വെട്ടേറ്റ് മരിച്ച നിലയില് കണ്ടെത്തി
ആലപ്പുഴ: കലവൂരില് വെള്ളിയാഴ്ച പുലര്ച്ചെ യുവാവിനെ വെട്ടേറ്റ് മരിച്ച നിലയില് കണ്ടെത്തി. കോര്ത്തുശേരി സ്വദേശി സുജിത്ത്(25) ആണ് കൊല്ലപ്പെട്ടത്. ആര്യാട് നോര്ത്ത് കോളനിയിലെ ബന്ധുവീട്ടിലാണ് മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് കൊല്ലപ്പെട്ടയാളുടെ അകന്ന ബന്ധുവായ സുജിത്തിനെ പൊലീസ് പിടികൂടി.
ഇന്ന് രാവിലെ മൂന്നിനായിരുന്നു സംഭവം. പുലര്ച്ചെ ഒരു മണിയോടെ കൊല്ലപ്പെട്ട സുജിത്ത് കോളനിയിലെത്തിയിരുന്നു. അസമയത്ത് ഇയാളെ ഇവിടെ കണ്ടതിനെ തുടര്ന്നുണ്ടായ തര്ക്കമാണ് കൊലപാതകത്തിലേക്ക് നയിച്ചതെന്ന് പൊലീസ് വ്യക്തമാക്കി.