ഒരാഴ്ച മുന്പ് കാണാതായ യുവാവിൻ്റെ മൃതദേഹം കുഴിച്ചു മൂടിയ നിലയില്
രാജാക്കാട്: ഇടുക്കി രാജാക്കാട് നിന്നും ഒരാഴ്ച മുന്പ് കാണാതായ യുവാവിൻ്റെ മൃതദേഹം സ്വകാര്യ റിസോര്ട്ടിനു സമീപം കുഴിച്ചു മൂടിയ നിലയില് കണ്ടെത്തി. ശാന്തന്പാറ പുത്തടി മുല്ലുര് വീട്ടില് റിജോഷ് (31) ൻ്റെ മൃതദേഹം ആണ് പുത്തടിക്ക് സമീപം മഷ്റൂം ഹട്ട് എന്ന റിസോര്ട്ടിൻ്റെ ഭൂമിയില് കുഴിച്ചിട്ട നിലയില് കണ്ടെത്തിയത്.
റിജോഷിനെ ഭാര്യയും റിസോര്ട്ടിൻ്റെ മാനേജരായ കാമുകനും ചേര്ന്ന് കൊലപ്പെടുത്തിയതായാണ് സൂചന. റിജോഷിൻ്റെ ഭാര്യ ലിജി (29), റിസോര്ട്ടിെന്റ മാനേജര് തൃശൂര് സ്വദേശി വസിം (31) എന്നിവരെ നവംബര് മുതല് കാണാനില്ല. കൊലപാതകത്തിന് ശേഷം ഇവര് സംസ്ഥാനം വിട്ടതായാണ് സൂചന. റിജോഷിൻ്റെ വീട്ടുകാര് ശാന്തന്പാറ പൊലീസില് നല്കിയ പരാതിയെ തുടര്ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.