എൽ.എസ്.എസ്. പരീക്ഷയിൽ ചരിത്ര വിജയം നേടി വന്മുകം-എളമ്പിലാട് എം.എൽ.പി.സ്കൂൾ.
കൊയിലാണ്ടി. വന്മുഖം – പരീക്ഷക്കിരുത്തിയ പത്തിൽ എട്ടു പേരെയും എൽ.എസ്.എസ്. ജേതാക്കളാക്കി വന്മുകം-എളമ്പിലാട് എം.എൽ.പി.സ്കൂൾ മിന്നുന്ന വിജയം കരസ്ഥമാക്കി. നിരവധി വേറിട്ട പാഠ്യേതര പ്രവർത്തനങ്ങൾ ഏറ്റെടുത്ത് സംസ്ഥാന തലത്തിൽ തന്നെ ശ്രദ്ധിക്കപ്പെട്ട ഈ വിദ്യാലയം ഈ ചരിത്ര നേട്ടത്തിലൂടെ പാഠ്യ രംഗത്തും മികവ് തെളിയിച്ചിരിക്കുകയാണ്. നാലാം ക്ലാസിലെ ആകെയുണ്ടായിരുന്ന 20 കുട്ടികളിൽ 10 കുട്ടികളെ പരീക്ഷക്കിരുത്തി അതിൽ 8 പേർക്ക് LSS നേടിക്കൊടുത്ത് ജില്ലയിലെ തന്നെ തിളക്കമാർന്ന വിജയമാണ് ഇവർ കരസ്ഥമാക്കിയത്.
എം.കെ. അദ്വൈത്, എ.വി.ദേവലക്ഷ്മി, അംന ഫാത്തിമ, നിരഞ്ജന എസ് മനോജ്, എൻ.ഫിൽസ മറിയം, ആയിഷമെഹാന, കെ.ജെനി ശങ്കർ, ഡി.പി. മാനവ് ദീപ്ത്. എന്നീ വിദ്യാർത്ഥികളാണ് സ്കൂളിൻ്റെ അഭിമാനമായി മാറിയത്.