എക്സൈസ് സ്പെഷൽ സ്ക്വാഡ്റെയ്ഡ് ; 160 ലിറ്റർ വാഷ് കണ്ടെടുത്തു.
കോഴിക്കോട്: എക്സൈസ് എൻഫോഴ്സ്മെന്റ് ആന്റ് ആന്റിനർക്കോട്ടിക് സ്പെഷൽ സ്ക്വാഡ് നടത്തിയ റെയ്ഡിൽ 160 ലിറ്റർ വാഷ് കണ്ടെടുത്ത് നശിപ്പിച്ചു. പ്രിവന്റീവ് ഓഫീസർ സന്തോഷ് ചെറുവോട്ടിന്റെ നേതൃത്വത്തിൽ നടത്തിയ തിരച്ചിലിലാണ് കക്കോടി പൊതു കോറിയിൽ മൂന്ന് ബാരലുകളികളിലായി സൂക്ഷിച്ച 160 ലിറ്റർ വാഷ് കണ്ടെടുത്ത് നശിപ്പിച്ചത്. ലോക്ക് ഔട്ടിനെ തുടർന്നുണ്ടായ അടിയന്തിര സാഹചര്യത്തിൽ സ്പെഷൽ സ്ക്വാഡ് സർക്കിൾ ഇൻസ്പെക്ടർ സജിത്കുമാറിന്റെ നേതൃത്വത്തിൽ നടത്തി വരുന്ന റെയ്ഡിൽ ജില്ലയുടെ വിവിധ ഭാഗങ്ങളിൽ നിന്ന് ഇതിനോടകം നാലായിരത്തിലധികം ലിറ്റർ വാഷ് കണ്ടെടുത്ത് നശിപ്പിച്ചിട്ടുണ്ട്.
ഈ കേസുകളുടെ തുടരന്വേഷണം റെയ്ഞ്ച് ഓഫീസുകളിലാണ് നടക്കുന്നത്. ലോക്ക് ഔട്ട് നീട്ടിയ സാഹചര്യത്തിൽ വിദേശമദ്യ ലഭ്യത ഇനിയും വൈകുമെന്നതിനാൽ വരും ദിവസങ്ങളിൽ കൂടുതൽ ശക്തമായ റെയ്ഡുകൾക്കാണ് എക്സൈസ് പദ്ധതി തയ്യാറാക്കിയിരിക്കുന്നത്. റെയ്ഡിൽ പ്രിവന്റീവ് ഓഫീസർ ഷാഫി. വി, സിവിൽ എക്സൈസ് ഓഫീസർമാരായ അനിൽ, സൈമൺ, ഫെബിൻ എൽദോ എന്നിവർ പങ്കെടുത്തു.