ബ്രോയ്ലര് ചിക്കനില് ആന്റിബയോട്ടിക് സാന്നിധ്യം കൂടുന്നതായി റിപ്പോര്ട്ട്
ഡല്ഹി: ബ്രോയ്ലര് ചിക്കനില് ആന്റിബയോട്ടിക് സാന്നിധ്യം കൂടുന്നതായി റിപ്പോര്ട്ട്. ബ്രോയലര് ചിക്കന് അതിവേഗത്തില് വളരുന്നതിന് ഉപയോഗിച്ചുവരുന്ന കോളിസ്റ്റിന് ആന്റിബയോട്ടിക് രാജ്യത്ത് നിരോധിച്ചേക്കുമെന്നാണ് റിപ്പോര്ട്ട്. കോഴിയില് വ്യാപകമായി മരുന്ന് ഉപയോഗിക്കുന്നത് മനുഷ്യരില് ആന്റിബോയട്ടികിന് പ്രതിരോധം സൃഷ്ടിക്കുന്നതായി കണ്ടെത്തിയതിനെതുടര്ന്നാണിത്.
മനുഷ്യരില് ആന്റിബയോട്ടിക്കിന് പ്രതിരോധം സൃഷ്ടിക്കപ്പെടുന്നതിനാല് പലരോഗങ്ങള്ക്കും ചികിത്സ ഫലപ്രദമാകുന്നില്ലെന്ന് പൊതുജനാരോഗ്യ പ്രവര്ത്തകര് വ്യക്തമാക്കുന്നു.ലണ്ടന് ആസ്ഥാനമായി പ്രവര്ത്തിക്കുന്ന ബ്യൂറോ ഓഫ് ഇന്വെസ്റ്റിഗേറ്റീവ് ജേണലിസം ഇന്ത്യയില് നടത്തിയ അന്വേഷണത്തില് കോഴിയില് അതിശക്തമായ ആന്റിബയോട്ടിക്കിന്റെ സാന്നിധ്യം കണ്ടെത്തിയിരുന്നു. കോഴിയിറച്ചി ഉത്പന്നങ്ങള് ധാരാളം ഉപയോഗിക്കുന്ന മക്ഡോംണാള്ഡ്, പിസ്സ ഹട്ട്, കെഎഫ്സി തുടങ്ങിയ കമ്ബനികളുടെ ചിക്കന് വിഭവങ്ങളില് ആന്റിബയോട്ടിക്കിന്റെ സാന്നിധ്യം കണ്ടെത്തിയിരുന്നു.
മൃഗസംരക്ഷണ വകുപ്പ്, ഡയറി ആന്റി ഫിഷറീസ്, ഫുഡ് സേഫ്റ്റി ആന്റ് സ്റ്റാന്റേര്ഡ് അതോറിറ്റി ഓഫ് ഇന്ത്യ, മിനിസ്ട്രി ഓഫ് അഗ്രിക്കള്ച്ചര് ആന്റ് ഫാമേഴ്സ് വെല്ഫെയര്, മിനിസ്ട്രി ഓഫ് ഹെല്ത്ത് ആന്റ് ഫാമിലി വെല്ഫെയര്, ഡ്രഗ് കണ്ട്രോളര് തുടങ്ങിയ സര്ക്കാര് വകുപ്പുകള് ഇക്കാര്യത്തെക്കുറിച്ച് അന്വേഷണം നടത്തി കോളിസ്റ്റിന് ആന്റിബയോട്ടിക് ഉപയോഗിക്കരുതെന്ന് ശുപാര്ശ ചെയ്തിരുന്നു. നവംബര് 29ന് ചേര്ന്ന ഡ്രഗ് അഡൈ്വസറി ബോഡി യോഗം മൃഗങ്ങളില് ഈ ആന്റിബയോട്ടിക് ഉപയോഗിക്കുന്നത് നിരോധിക്കുകയും ചെയ്തു. ഇതേതുടര്ന്ന് തീരുമാനം ഉടനെ സര്ക്കാര് നടപ്പാക്കിയേക്കും.
