കർണാടകയിൽ സിപിഐ(എം)ന് രണ്ടേക്കർ ഭൂമി നൽകി ദമ്പതികൾ
കർണ്ണാടക ബാഗേപ്പള്ളി: രാജ്യത്ത് സിപിഐ(എം) നടത്തുന്ന പ്രവർത്തനങ്ങൾക്ക് സ്നേഹ സമ്മാനമായി 2 ഏക്കർ ഭൂമി നൽകി കർണാടകയിലെ ദമ്പതികൾ. ബാഗേപള്ളിയിലെ ആർ എം ചലപതിയും ഭാര്യ രമാറാണിയുമാണ് സിപിഐ(എം)ന് ആറ് കോടി വിലമതിക്കുന്ന ഭൂമി നൽകിയത്. പൊളിറ്റ് ബ്യൂറോ അംഗം എം എ ബേബിയുടെ സാന്നിധ്യത്തിലാണ് ജില്ലാ കമ്മിറ്റിക്ക് രേഖകൾ കൈമാറിയത്.
“സിപിഐ എമ്മിന്റെ പ്രവർത്തനങ്ങളെക്കുറിച്ച് നന്നായി അറിയാം. ഞാൻ എന്റെ രണ്ടേക്കർ ഭൂമി സിപിഐ എമ്മിന് നൽകുന്നു. രാജ്യത്ത് സിപിഐ എം നടത്തുന്ന പോരാട്ടങ്ങൾക്ക് ഞങ്ങളുടെ സ്നേഹ സമ്മാനം” – ഭൂമി കൈമാറാനുള്ള രേഖകൾ നൽകിക്കൊണ്ട് ചലപതി പറഞ്ഞു.
ചലപതിയും ഭാര്യ രമാറാണിയും സിപിഐഎം പാർട്ടി അംഗങ്ങളല്ല. മുഖ്യമന്ത്രി പിണറായി വിജയൻ പങ്കെടുത്ത ബാഗേപ്പള്ളിയിലെ സിപിഐ(എം) റാലിയിൽ പങ്കെടുത്തുകൊണ്ടാണ് തന്റെ രണ്ട് ഏക്കർ ഭൂമി സിപിഐഎമ്മിന്റെ പേരിൽ എഴുതി നൽകിയത്.