ശബരിമല തീർത്ഥാടനം പ്രമാണിച്ച് സ്പെഷ്യൽ ട്രെയിനുകൾ അനുവദിച്ച് ദക്ഷിണ റെയിൽവേ

കോട്ടയം: ശബരിമല തീർത്ഥാടനം പ്രമാണിച്ച് സ്പെഷ്യൽ ട്രെയിനുകൾ അനുവദിച്ച് ദക്ഷിണ റെയിൽവേ. 3 സ്പെഷ്യൽ ട്രെയിൽ സർവീസുകളാണ് അനുവദിച്ചത്. ട്രെയിൻ നമ്പർ 07151/ 07152 കാച്ച​ഗുഡ- കോട്ടയം- കാച്ച​ഗുഡ സ്പെഷ്യൽ ട്രെയിൻ, ട്രെയിൻ നമ്പർ 07155 കാക്കിനഡ – കൊല്ലം സ്പെഷ്യൽ, ട്രെയിൻ നമ്പർ 07157/ 07158 നരാസപൂർ- കൊല്ലം സ്പെഷ്യൽ എന്നിവയാണ് അനുവദിച്ച ട്രെയിനുകൾ. ജനുവരി 2, 9, 16, 23 തിയതികളിൽ വൈകിട്ട് 3. 40ന് കാച്ച​ഗുഡയിൽ നിന്ന് പുറപ്പെടുന്ന കാച്ച​ഗുഡ- കോട്ടയം സ്പെഷ്യൽ ട്രെയിൻ അടുത്ത ദിവസം വൈകിട്ട് 6.50ന് കോട്ടയത്തെത്തും.

തിരികെ ജനുവരി 3, 10, 17, 24 തിയതികളിൽ കോട്ടയത്തുനിന്ന് രാത്രി 8.30ന് പുറപ്പെട്ട് അടുത്ത ​ദിവസം രാത്രി 11.40 ന് കാച്ച​ഗുഡയിലെത്തും. ജനുവരി 6, 13 തിയതികളിൽ കാക്കിനടയിൽ നിന്നും രാവിലെ 11.20ന് പുറപ്പെടുന്ന ട്രെയിൻ പിറ്റേ ദിവസം രാത്രി 9.20ന് കൊല്ലത്തെത്തും. തിരികെ ജനുവരി 8നും 15നും കൊല്ലത്തുനിന്ന് ഉച്ചയ്ക്ക് 2.30ന് പുറപ്പെട്ട് അടുത്ത ദിവസം രാവിലെ 11ന് കാക്കിനടയിലെത്തും.