സംസ്ഥാനത്ത് സ്വർണ വിലയിൽ നേരിയ ഇടിവ്

സംസ്ഥാനത്ത് സ്വർണ വിലയിൽ നേരിയ ഇടിവ് രേഖപ്പെടുത്തി. ഗ്രാമിന് 10 രൂപ കുറഞ്ഞ് വില 4680 ൽ എത്തി. ഒരു പവൻ സ്വർണത്തിന് 37, 440 രൂപയാണ് ഇന്നത്തെ നിരക്ക്. വെള്ളി നിരക്കിൽ മാറ്റമില്ല. ഇന്നലെയും സ്വർണ വിലയിൽ പത്ത് രൂപയുടെ കുറവ് രേഖപ്പെടുത്തിയിരുന്നു. ഇന്നലെ ഗ്രാമിന് 4690 രൂപയിലാണ് വ്യാപാരം നടന്നത്. ഒരു പവൻ സ്വർണത്തിന് 37, 520 രൂപയായിരുന്നു.

അഞ്ചാം തിയതി സ്വർണവിലയിൽ രേഖപ്പെടുത്തിയ വൻ വർധനയ്ക്ക് പിന്നാലെയാണ് രണ്ട് ദിവസമായി തുടർച്ചയായി വില ഇടിയുന്നത്. നവംബർ 5ന് ഒരു ഗ്രാം സ്വർണത്തിന് 90 രൂപ വർധിച്ച് വില 4,700 ൽ എത്തിയിരുന്നു. ഒരു പവൻ സ്വർണത്തിന്റെ വില 37,600 ൽ എത്തിയിരുന്നു.