നാടിൻ്റെ അഭിമാനമായി നിഹാദ് അവാർഡ് സ്വീകരിക്കാൻ ഡൽഹിയിലേക്ക്
നാടിൻ്റെ അഭിമാനമായി നിഹാദ്. അവാർഡ് സ്വീകരിക്കാൻ ഡൽഹിയിലേക്ക്. കുറ്റ്യാടി: കഴിഞ്ഞ വർഷം തളീക്കര കൂട്ടൂർ കല്ലുരസി തടയണയിൽ വീണ നാലുവയസ്സുകാരൻ്റെ ജീവൻ രക്ഷിച്ചതിന് രാഷ്ട്രപതിയുടെ ജീവൻരക്ഷ അവാർഡിന് തെരഞ്ഞെടുക്കപ്പെട്ട മാണിക്കോത്ത് റഹീമിൻ്റെ മകൻ നിഹാദ് അവാർഡ് സ്വീകരിക്കാൻ ഡൽഹിയിലേക്ക് പുറപ്പെട്ടു.
കാലുതെറ്റി വെള്ളക്കെട്ടിൽ വീണ സമീപവാസിയായ കുട്ടിയെ ജീവൻ പണയം വെച്ച് നാലടിയോളം ആഴമുള്ള തടയണയിൽ എടുത്തു ചാടിയാണ് നിഹാദ് രക്ഷിച്ചത്.
നിഹാദ് കുറ്റ്യാടി ഗവ. ഹൈസ്കൂൾ എട്ടാം ക്ലാസ് വിദ്യാർഥിയാണ്. നിഹാദിനെ യാത്രയയക്കാൻ ഇ. കെ. വിജയൻ എം. എൽ. എ, ഗ്രാമപഞ്ചായത്ത് പ്രസിഡണ്ട് ഒ. പി. ഷിജിൽ, ഗ്രാമപഞ്ചായത്തംഗങ്ങൾ, അധ്യാപകർ എന്നിവരുമെത്തിയിരുന്നു.