കാഞ്ഞങ്ങാട് യുവാവിൽനിന്നും 8 ലക്ഷത്തിന്റെ ഹവാല പണം പിടികൂടി
കാഞ്ഞങ്ങാട് യുവാവിൽനിന്നും 8 ലക്ഷത്തിന്റെ ഹവാല പണം പിടികൂടി. തളങ്കര പട്ടേൽ റോഡിൽ ഫാഹിദ് മൻസിലിൽ മഹുമ്മദ് ഷാഫി(45)ആണ് അറസ്റ്റിലായത്.
ജില്ലാ പോലീസ് മേധാവി ഡോക്ടർ വൈഭവ് സക്സേന ഐ പി എസിന്റെ നേതൃത്വത്തിലുള്ള ഓപ്പറേഷൻ ക്ലീൻ കാസർഗോഡ് രണ്ടാം ഘട്ടത്തിന്റെ ഭാഗമായി നടത്തിയ പരിശോധനയിലാണ് ഹവാലപണം പിടിച്ചത്. കുശാൽ നഗർ റയിൽവേ ഗേറ്റിനു സമീപം കാഞ്ഞങ്ങാട് dysp പി. ബാലകൃഷ്ണൻ നായർ, ഇൻസ്പെക്ടർ കെ പി ഷൈൻ എന്നിവരുടെ നേതൃത്വത്തിൽ നടത്തിയ പരിശോധനയിലാണ് KL 14 Y 2798 നമ്പർ ബൈക്കിൽ നിന്നും 8 ലക്ഷം രൂപ പിടിച്ചത്.