ഭക്ഷ്യസുരക്ഷാ പരാതികള് നേരിട്ടറിയിക്കാന് ഗ്രിവന്സ് പോര്ട്ടല് തയ്യാറായി
ഭക്ഷ്യസുരക്ഷാ പരാതികള് നേരിട്ടറിയിക്കാന് ഗ്രിവന്സ് പോര്ട്ടല് തയ്യാറായി. ആരോഗ്യ വകുപ്പ് മന്ത്രി വീണാ ജോര്ജ് പോര്ട്ടല് ലോഞ്ച് ചെയ്തു. പരാതിയും അത് സംബന്ധിച്ച ഫോട്ടോയും വീഡിയോയും അപ്ലോഡ് ചെയ്യാനും, ആ പരാതിയിന്മേല് എടുത്ത നടപടികൾ അറിയാനും ഇതിലൂടെ സാധിക്കും.
പരാതിപ്പെടേണ്ടത് എങ്ങനെ?
- ഭക്ഷ്യ സുരക്ഷാവകുപ്പിൻ്റെ https://www.eatright.foodsafety.kerala.gov.in/ എന്ന ലിങ്കില് ക്ലിക്ക് ചെയ്യുക.
- റിപ്പോര്ട്ട്, കംപ്ലയിൻ്റ്, മൈ കംപ്ലൈൻ്റ്സ് എന്നീ ഐക്കണുകള് കാണാം.
- ആദ്യമായി രജിസ്റ്റര് ചെയ്യണം. രജിസ്റ്ററില് ക്ലിക്ക് ചെയ്യുമ്പോള് വരുന്ന പേജില് മൊബൈല് നമ്പര് നല്കി ഒ.ടി.പി എടുക്കുക. തുടര്ന്ന് പേര്, ഒ.ടി.പി എന്നിവ നല്കുമ്പോള് കംപ്ലയിൻ്റ്, രജിസ്റ്റര് ചെയ്യാനുള്ള പേജ് വരും.
- അതില് ജില്ല, സര്ക്കിള്, സ്ഥാപനത്തിൻ്റെ പേര്, ലൊക്കേഷന്, ലാന്ഡ്മാര്ക്ക്, പരാതി, പരാതിയുടെ വിശദാംശങ്ങള് എന്നിവ നല്കണം.
- തുടര്ന്ന് ഫോട്ടോയും വിഡിയോയും അപ് ലോഡ് ചെയ്യണം. ഐഡൻ്റിറ്റി വെളിപ്പെടുത്തേണ്ടെങ്കില് നോ ഐക്കണ് കൊടുക്കണം. അത് കഴിഞ്ഞ് സബ്മിറ്റ് ചെയ്യാം.
ഹോം പേജിലെ മൈ കംപ്ലൈന്സിലൂടെ പരാതിയിന്മേല് സ്വീകരിച്ച നടപടികളും അറിയാനാകും.
Advertisements