പയ്യോളിയിൽ 3 പേരെ കടിച്ച നായക്ക് പേവിഷബാധ
പയ്യോളിയിൽ 3 പേരെ കടിച്ച നായക്ക് പേവിഷബാധ. അയനിക്കാട് ശ്രീകൃഷ്ണ ക്ഷേത്രത്തിന് സമീപം തിങ്കളാഴ്ച വൈകീട്ട് ആറോടെയാണ് പിഞ്ചുകുഞ്ഞിനെയും വിദ്യാർഥിനിയെയും ഒരു മധ്യവയസ്കയെയും നായ കടിച്ചത്. 3 പേർക്കും വീട്ടുമുറ്റത്ത് നിന്നാണ് കടിയേറ്റത്. തുടർന്ന് ഇവർ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സ തേടിയിരുന്നു.
തുടർന്ന് ചൊവ്വാഴ്ച നായയെ ചത്ത നിലയിൽ കണ്ടെത്തുകയും നഗരസഭ ആരോഗ്യ വിഭാഗവും മൃഗാശുപത്രി അധികൃതരും ചേർന്ന് ജഡം കണ്ണൂരിലെത്തിച്ച് പോസ്റ്റ്മോർട്ടത്തിന് വിധേയമാക്കുകയും ചെയ്തു. ചൊവ്വാഴ്ച വൈകീട്ടോടെ ലഭിച്ച റിപ്പോർട്ടിൽ നായക്ക് പേവിഷബാധ സ്ഥിരീകരിച്ചു. ഇതോടെ പേപ്പട്ടി കടിച്ചിരിക്കാൻ സാധ്യതയുള്ള പ്രദേശത്തെ വളർത്തു മൃഗങ്ങളെയും മറ്റു തെരുവു നായ്ക്കളെയും നിരീക്ഷിക്കാനും ജാഗ്രത പാലിക്കണമെന്നും ആരോഗ്യ വിഭാഗം നിർദ്ദേശം നൽകിയിട്ടുണ്ട്.