മലപ്പുറത്ത് കാട്ടാന കിണറ്റില് വീണു
മലപ്പുറം ഊര്ങ്ങാട്ടിരിയില് കാട്ടാന കിണറ്റില് വീണു. കൂരങ്കല്ല് സണ്ണിയുടെ കൃഷിയിടത്തിലെ കിണറ്റിലാണ് കാട്ടാന വീണത്. വനംവകുപ്പും പൊലീസും നാട്ടുകാരും ചേർന്ന് രക്ഷാപ്രവർത്തനം ആരംഭിച്ചു. ഇന്ന് പുലര്ച്ചെ ഒരു മണിയോടെയാണ് കാട്ടാന കിണറ്റില് വീണത് എന്നാണ് നിഗമനം.
ഈ പ്രദേശത്തിന് തൊട്ടടുത്ത് തന്നെ കൊടുമ്പുഴ വനമേഖലയാണ്. അവിടെ നിന്നും ഇറങ്ങി വരുന്ന കാട്ടാനകള് ഈ മേഖലകളില് വലിയ ശല്യം ഉണ്ടാക്കുന്നതായി പരാതി ഉണ്ടായിരുന്നു. ഇതിനിടെയാണ് ആന കിണറ്റില് വീണത്. ജെസിബി ഉപയോഗിച്ച് രക്ഷാ പ്രവര്ത്തനം നടത്താനാണ് തീരുമാനം.
ഇന്നലെ രാത്രി ആനക്കൂട്ടം വന്നപ്പോൾ അതിലൊരു ആന കിണറ്റിൽ വീണതെന്നാണ് നിഗമനം.കൃഷി ആവശ്യത്തിന് മാത്രമായി ഉപയോഗിക്കുന്ന ഈ കിണറിന് ആൾമറയില്ല. കിണറ്റിൽ അധികം വെള്ളവും ഇല്ലെന്നാണ് വിവരം.
