കണ്ണുർ – ഷൊർണ്ണൂർ പാസ്സഞ്ചർ ട്രെയിനിൽ കൊയിലാണ്ടിയിൽ വെച്ച് തീ പടർന്നത് ആശങ്ക പടർത്തി
കൊയിലാണ്ടി: കണ്ണുർ – ഷൊർണ്ണൂർ പാസ്സഞ്ചർ ട്രെയിനിൽ കൊയിലാണ്ടിയിൽ വെച്ച് തീ പടർന്നത് ആശങ്ക പടർത്തി. റെയിൽവേ ജീവനക്കാരുടെ കൃത്യസമയത്ത് ഇടപെട്ടതുകൊണ്ട് വൻ അപകടം ഒഴിവായി. വൈകീട്ട് 6.50നാണ് സംഭവം. കൊയിലാണ്ടി റെയിൽവേ സ്റ്റേഷനിൽ വെച്ചാണ് മെമു ട്രെയിനിൻ്റെ അടിവശത്ത് തീ പടർന്നത്.
.
.
സ്റ്റേഷൻ സുപ്രണ്ട് വിനു ടി, പോയ്ന്റ്സ്മാൻ പ്രത്യുവിൻ, അഭിനന്ദ് എന്നിവർ ചേർന്ന് തീ അണച്ചു. 6:50 സ്റ്റേഷനിൽ എത്തിയ ട്രെയിൻ അര മണിക്കൂർ വൈകിയാണ് യാത്ര തുടർന്നത്. ബ്രേക്ക് ബൈൻഡിങ് മൂലമാണ് തീ ഉണ്ടായതെന്ന് റെയിൽവേ അധികൃതർ അറിയിച്ചു.
