കൊയിലാണ്ടിയിൽ പോലീസ് റൂട്ട് മാർച്ച് നടത്തി 

കൊയിലാണ്ടിയിൽ പോലീസ് റൂട്ട് മാർച്ച് നടത്തി. കോവിഡ് 19 പ്രതിരോധ നടപടികളുടെ ഭാഗമായി സർക്കാർ പുറപ്പെടുവിച്ച നിയമങ്ങൾ കർശനമായും നടപ്പിലാക്കുന്നതിന് വേണ്ടി കൊയിലാണ്ടി പട്ടണത്തിൽ പോലീസ് റൂട്ട് മാർച്ച് നടത്തി. ഉച്ചഭാഷിണി കെട്ടിയ പോലീസ് വാഹനത്തിന് പിറകിലായി ക്രൈബ്രാഞ്ച് ഡി.വൈ.എസ്.പി. ആർ ഹരിദാസിൻ്റെ  നേതൃത്വത്തിൽ എസ്.ഐ. രാജേഷ്, ട്രാഫിക് എസ്.ഐ, പിങ്ക് പോലീസ്, ട്രാഫിക് പോലീസ് എന്നിവയിലെ സേനാംഗങ്ങളും കൊയിലാണ്ടി മേഖലയിൽ ഡ്യൂട്ടിയിലുള്ള മുഴുവൻ പോലീസുകാരും റൂട്ട് മാർച്ചിൽ അണിനിരന്നു. പൊതുജനങ്ങൾ അനാവശ്യമായി പുറത്തിറങ്ങിയാൽ നാളെ മുതൽ നിയമം കർശനമാക്കുമെന്നും അറസ്റ്റ് ഉൾപ്പെടെ നേരിടേണ്ടിവരുമെന്നും പോലീസ് അറിയിച്ചു.