തൊഴിലുറപ്പ് ജോലിക്കിടെ സ്ഫോടനം: സ്ത്രീക്ക് ഗുരുതര പരിക്ക്
കണ്ണൂര്‍: മുഴക്കുന്നില്‍ തൊഴിലുറപ്പ് ജോലിക്കിടെയുണ്ടായ ബോംബ് സ്ഫോടനത്തില്‍ സ്ത്രീക്ക് ഗുരുതര പരിക്കേറ്റു. 19 സ്ത്രീകള്‍ ജോലി ചെയ്യുന്നതിനിടെയാണ് സ്ഥലത്ത് സ്ഫോടനമുണ്ടായത്. ഇവര്‍ ജോലി ചെയ്തിരുന്ന സ്ഥലത്ത് ഒളിപ്പിച്ചിരുന്ന ബോംബ് പൊട്ടിത്തെറിക്കുകയായിരുന്നുവെന്ന് പോലീസ് സംശയിക്കുന്നു. കൈയ്ക്കും കാലിനും പരിക്കേറ്റ ഒരാളുടെ നിലയാണ് ഗുരുതരമായത്. ഇവരെ ആശുപത്രിയില്‍ പ്രവേശിപ്പിച്ചു. സ്ഥലത്ത് പോലീസും ബോംബ് സ്ക്വാഡും പരിശോധന നടത്തുകയാണ്.
