ലൈഫ് ഭവന പദ്ധതി പൂര്‍ത്തീകരണ പ്രഖ്യാപനം
കൊയിലാണ്ടി: നഗരസഭയില്‍ ലൈഫ് ഭവനങ്ങളുടെ പൂര്‍ത്തീകരണ പ്രഖ്യാപനം കെ.ദാസന്‍ എം.എല്‍.എ നിര്‍വ്വഹിച്ചു. 800-ഓളം വീടുകളാണ് നഗരസഭയില്‍ പി.എം.എ.വൈ-ലൈഫ് ഭവന പദ്ധതിതിയില്‍ പണി പൂര്‍ത്തീകരിച്ചത്. നഗരസഭ ചെയര്‍മാന്‍ അഡ്വ. കെ.സത്യന്‍ അധ്യക്ഷത വഹിച്ചു. ഉപാധ്യക്ഷ വി.കെ.പത്മിനി, സ്ഥിരംസമിതി അധ്യക്ഷമാരായ എന്‍.കെ.ഭാസ്‌കരന്‍, കെ.ഷിജു, വി.കെ.അജിത, ദിവ്യസെല്‍വരാജ്, നഗരസഭാംഗങ്ങളായ എം.സുരേന്ദ്രന്‍, വി.പി.ഇബ്രാഹിംകുട്ടി, സൂപ്രണ്ട് അനില്‍ കുമാര്‍, കോര്‍ഡിനേറ്റര്‍ രചന എന്നിവര്‍ സംസാരിച്ചു.
