ജില്ല നഴ്സറി കലോത്സവത്തിന് തുടക്കം
കൊയിലാണ്ടി: കോഴിക്കോട് ജില്ലാതല നഴ്സറി കലോത്സവം പൊയിൽക്കാവ് ഹൈസ്കൂൾ അങ്കണത്തിൽ ചെങ്ങോട്ടുകാവ് ഗ്രാമ പഞ്ചായത്ത് പ്രസിഡൻറ് കൂമുള്ളി കരുണാകരൻ ഉദ്ഘാടനം ചെയ്തു. ജെ സി ഐ കൊയിലാണ്ടി പ്രസിഡൻറ് ഡോ. റഹീസ് കെ. മിൻഹാൻസ് അധ്യക്ഷത വഹിച്ചു. ചലച്ചിത്ര താരം ദേവിക സഞ്ജയ് യെയും ആദരിച്ചു.
പ്രോഗ്രാം ഡയറക്ടർ ഡോ. ബി.ജി. അഭിലാഷ് ചെങ്ങോട്ടുകാവ് പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഗീതാനന്ദൻ , പി.ടി.എ പ്രസിഡന്റ് ഗോപിനാഥ്, സ്കൂൾ ഹെഡ് മാസ്റ്റർ മംഗൾദാസ്, അഡ്വ. ജതീഷ് ബാബു, ഗോകുൽ, ഡോ. സബ്ന ജാസ്മിൻ, തസ്നീം കമറുദ്ദീൻ തുടങ്ങിയവർ പങ്കെടുത്തു. എട്ട് വേദികളിലായി ജില്ലയിലെ വിവിധ ഭാഗങ്ങളിൽ നിന്നുള്ള വിദ്യാലയങ്ങളിൽ നിന്നായി നിരവധിവിദ്യാർത്ഥികൾ പങ്കെടുത്തു.
