വിദ്യാര്‍ത്ഥിയെ സ്കൂളില് പൂട്ടിയിട്ട് സ്കൂള് അധികൃതരുടെ അനാസ്ഥ
പാലക്കാട്: ഒറ്റപ്പാലത്ത് യുകെജി വിദ്യാര്‍ത്ഥിയെ സ്കൂളില് പൂട്ടിയിട്ട് സ്കൂള് അധികൃതരുടെ അനാസ്ഥ. ഒറ്റപ്പാലത്ത് വാണിയംകുളം പത്തംകുളം സ്‌കൂളിലാണ് ഞെട്ടിപ്പിക്കുന്ന സംഭവമുണ്ടായിരിക്കുന്നത്. സാധാരണയായി കുട്ടി എത്തുന്ന സമയം കഴിഞ്ഞിട്ടും എത്താത്തതിനെ തുടര്‍ന്ന് വീട്ടുകാര്‍ അന്വേഷിച്ച്‌ സ്കൂളില് എത്തുകയായിരുന്നു. ഈ സമയത്ത് ക്ലാസ് മുറിയില്‍ ഉറങ്ങുന്ന നിലയില്‍ കുഞ്ഞിനെ കാണുകയായിരുന്നു. ഈ ദൃശ്യങ്ങള്‍ പകര്‍ത്തുകയും സമൂഹമാധ്യമങ്ങളില്‍ പങ്കുവയ്ക്കുകയുമായിരുന്നു ഇതോടെയാണ് നാട്ടുകാര്‍ വിവരം അറിഞ്ഞത്.
എന്നാല്‍ പ്രശ്‌നം വഷളാകുന്നുവെന്ന് കണ്ട് സ്കൂള് അധികൃതര്‍ വീട്ടിലെത്തി രക്ഷിതാക്കളോട് മാപ്പ് പറഞ്ഞ് പ്രശ്‌നം പരിഹരിക്കുകയായിരുന്നു. കൂടുതല്‍ പരാതിയില്ലെന്ന് കുട്ടിയുടെ പിതാവും പറഞ്ഞു.
