പുതിയ റേഷന്‍ കാര്‍ഡിലെ തെറ്റ് തിരുത്താനും അപേക്ഷകള്‍ക്കും ഓണ്‍ലൈന്‍ സംവിധാനമൊരുക്കി സര്‍ക്കാര്‍
പുതിയ റേഷന്‍ കാര്‍ഡുകള്‍ക്ക് അപേക്ഷിക്കുവാനും കാര്‍ഡിലെ തെറ്റുകള്‍ തിരുത്തുവാനും ഓണ്‍ലൈന്‍ സംവിധാനമൊരുക്കി സംസ്ഥാന സര്‍ക്കാര്‍. കൂടാതെ ഇതിനായി മൊബൈല്‍ ആപ്പും പൊതുവിതരമ വകുപ്പ് സജ്ജമാക്കിയിട്ടുണ്ട്. വെമ്ബ് സൈറ്റിന്റെയും മൊബൈല്‍ ആപ്പിന്റെയും ഉദ്ഘാടനം ഭക്ഷ്യസിവില്‍ സപ്ലൈസ് വകുപ്പ് മന്ത്രി തിലോത്തമന്‍ തിരുവനന്തപുരത്ത് നിര്‍വഹിച്ചു.
റേഷന്‍ കാര്‍ഡിന് അപേക്ഷയുമായി സിവില്‍ സപ്ലൈസ് ഓഫീസുകളില്‍ കയറി ഇറങ്ങുന്ന സാധരണ ജനങ്ങളുടെ ബൂദ്ധിമുട്ട് കണക്കിലെടുത്താണ് സര്‍ക്കാര്‍ ഓണ്‍ലൈന്‍ സംവിധാനവുമായി രംഗത്തെത്തുന്നത്. റേഷന്‍ കാര്‍ഡുമായി ബന്ധപ്പെട്ട സേവനങ്ങള്‍ ഇനി മൊബൈല്‍ ഫോണിലൂടെയും ഇന്റര്‍നെറ്റിലൂടെയും ലഭ്യമാകും.
civilsupplieskerala.gov.in വെബ്സൈറ്റില്‍ പുതിയ റേഷന്‍ കാര്‍ഡിന് അപേക്ഷിക്കാനും, കാര്‍ഡിലെ തെറ്റുകള്‍ തിരുത്താനുമുള്‍പ്പടെയുള്ള സേവനങ്ങള്‍ ലഭ്യമാകും.
മൊബൈല്‍ ഫോണില്‍ download ചെയ്യുന്ന എന്റെ റേഷന്‍ കാര്‍ഡ് എന്ന് മൊബൈല്‍ ഫോണ്‍ ആപ്ലിക്കേഷനിലൂടെയും ഈ സേവനങ്ങള്‍ സാധ്യമാകും.
വെബ് സൈറ്റിന്റെയും മൊബൈല്‍ ആപ്ലിക്കേഷന്‍റെയും ഉദ്ഘാടനം മന്ത്രി പി.തിലോത്തമന്‍ തിരുവനന്തപുരത്ത് നിര്‍വഹിച്ചു. പുതിയ റേഷന്‍ കാര്‍ഡിനായി വെമ്ബ് സൈറ്റുവഴി ആദ്യ അപേക്ഷ നല്‍കിയ സ്റ്റേറ്റ് ഇന്‍ഫോമാറ്റിക്ക് ഡയറക്ടര്‍ മോഹന്‍ദാസിന് മന്ത്രി റേഷന്‍ കാര്‍ഡും നല്‍കി.
അക്ഷയകേന്ദ്രങ്ങള്‍ വ‍ഴി പുതിയ റേഷന്‍കാര്‍ഡിനുള്ള അപേക്ഷക്ക് 50രൂപയും തെറ്റുതിരുത്തുന്നതിന് 35 രൂപയും മാത്രമാണ് ചിലവു വരുന്നത്. നിലവില്‍ തിരുവനന്തപുരം ജില്ലയിലെ ചിറയന്‍കീഴ് താലൂക്കിലും മാത്രമാകും ഇ സേവനം ലഭ്യമാക്കുക. വരും ദിവസങ്ങളില്‍ സേവനം മറ്റ് താലൂക്കുകളിലേക്കും വ്യാപിപ്പിക്കുമെന്ന് മന്ത്രി വ്യക്തമാക്കി.
