കെ. വി. പ്രഭാകരൻ മാസ്റ്ററുടെ അഞ്ചാം ചരമവാർഷികം ആചരിച്ചു
കൊയിലാണ്ടി: പന്തലായനി യുവജന കലാസമിതിയുടെ നേതൃത്വത്തിൽ അധ്യാപകനും, കലാസാംസ്‌ക്കാരിക പ്രവർത്തകനും ചെറുകഥാ അവാർഡ് ജേതാവുമായിരുന്ന കെ. വി. പ്രഭാകരൻ മാസ്റ്ററുടെ അഞ്ചാം ചരമ വാർഷികം സമുചിതമായി ആചരിച്ചു.
പരിപാടിയുടെ ഉദ്ഘാടനം പ്രശസ്ത സിനിമാ സീരിയൽ നടൻ നൗഷാദ് ഇബ്രാഹിം നിർവ്വഹിച്ചു. കലാസമിതി പരിസരത്ത് നടന്ന പരിപാടിയിൽ സ്വാഗതസംഘം കൺവീനർ പി. രമേശൻ അദ്ധ്യക്ഷതവഹിച്ചു. കെ. ടി. രാധാകൃഷ്ണൻ മാസ്റ്റർ അനുസ്മരണ പ്രഭാഷണം നടത്തി.
ചടങ്ങിൽ SSLC ഉന്നത വിജയികളായ വിദ്യാർത്ഥികളെ മുൻ നഗരസഭ വൈസ്‌ ചെയർമാൻ ടി. കെ. ചന്ദ്രൻ മാസ്റ്ററും, പ്രഭാകരൻ മാസ്റ്ററുടെ ഭാര്യ ശുഭ ടീച്ചറും ഉപഹാരം നൽകി ആദരിച്ചു. നഗരസഭാ കൗൺസിലർ പി. എം. ബിജു, മുൻ കൗൺസിലർമാരായ എം. നാരായണൻ മാസ്റ്റർ, എം. വി. ബാലൻ തുടങ്ങിയവർ ആശംസകൾ നേർന്നു. സ്വാഗതസംഘം ചെയർമാൻ സി. കെ. ആനന്ദൻ സ്വാഗതവും, പ്രോഗ്രാം കൺവീനർ കെ. അനീഷ് നന്ദിയും പറഞ്ഞു.
കാലത്ത് പ്രഭാകരൻ മാസ്റ്ററുടെ വസതിയിൽ യുവജന ലൈബ്രറിയുടെ നേതൃത്വത്തിൽ പുഷാപാർച്ചനയും അനുസ്മരണ ചടങ്ങും സംഘടിപ്പിച്ചു. പരിപാടി നഗരസഭാ ചെയർമാൻ അഡ: കെ. സത്യൻ ഉദ്ഘാടനം ചെയ്തു. എം. നാരായണൻ മാസ്റ്റർ അദ്ധ്യക്ഷതവഹിച്ചു. ടി. കെ. ചന്ദ്രൻ മാസ്റ്റർ, എൽ. ജി. ലിജീഷ്, പി. കെ. ഭരതൻ, എം. വി. ബാലൻ, പി. ചന്ദ്രശേഖരൻ, കെ. അനീഷ് ലൈബ്രറി സെക്രട്ടറി എം. സുധീഷ് സ്വാഗതവും സി. കെ. ആനന്ദൻ നന്ദിയും പറഞ്ഞു.
വൈകീട്ട് കലാസമിതി പരിസരത്ത് പ്രാദേശിക കലാകാരന്മാരുടെ കലാ സന്ധ്യയും അരങ്ങേറി.
