കോഴിക്കോട് പന്നിയങ്കര റെയില്വേ ട്രാക്കിന് സമീപം ആളൊഴിഞ്ഞ സ്ഥലത്തുവെച്ച് യുവതിയെ കടന്നുപിടിച്ചയാള് അറസ്റ്റില്
.
കോഴിക്കോട്: കോഴിക്കോട് പന്നിയങ്കര റെയില്വേ ട്രാക്കിന് സമീപം ആളൊഴിഞ്ഞ സ്ഥലത്തുവെച്ച് യുവതിയെ കടന്നുപിടിച്ചയാള് അറസ്റ്റില്. കണ്ണഞ്ചേരി വെള്ളടത്ത് താമസിക്കുന്ന കൊമ്മേരി സ്വദേശി നിഹാലാണ് അറസ്റ്റിലായത്. നടന്നുപോവുകയായിരുന്ന യുവതിയെ നമ്പര് പ്ലേറ്റില്ലാത്ത ബൈക്കിലെത്തിയ നിഹാല് ആക്രമിച്ച ശേഷം രക്ഷപ്പെടുകയായിരുന്നു.
തുടര്ന്ന് യുവതി പൊലീസിനെ വിവരമറിയിക്കുകയായിരുന്നു. പ്രദേശത്തെ സിസിടിവി ക്യാമറകളില് പതിഞ്ഞ ദൃശ്യങ്ങളില് നിന്നാണ് പ്രതിയെക്കുറിച്ച് പൊലീസിന് സൂചന ലഭിച്ചത്. നമ്പര് പ്ലേറ്റില്ലാത്ത ബൈക്കില് സഞ്ചരിച്ച് ആളൊഴിഞ്ഞ സ്ഥലങ്ങളില് ഒറ്റപ്പെട്ട് നടന്നുപോകുന്ന സ്ത്രീകളോട് മോശമായി പെരുമാറുന്നതാണ് പ്രതിയുടെ രീതിയെന്ന് പൊലീസ് പറഞ്ഞു. ഇയാള് ഉപയോഗിച്ചിരുന്ന ബൈക്ക് മോഷ്ടിച്ചതാണെന്ന സൂചനയെത്തുടര്ന്ന് പൊലീസ് വിശദമായ അന്വേഷണം തുടങ്ങിയിട്ടുണ്ട്.
