ശ്രീ വാസുദേവാശ്രമം ഗവ. ഹയർ സെക്കൻഡറി സ്കൂൾ എൻഎസ്എസ് സപ്ത ദിന സഹവാസ ക്യാമ്പ് സമാപിച്ചു
കൊയിലാണ്ടി: നമ്പ്രത്തുകര ശ്രീ വാസുദേവാശ്രമം ഗവ. ഹയർ സെക്കൻഡറി സ്കൂൾ എൻഎസ്എസ് സപ്ത ദിന സഹവാസ ക്യാമ്പ് സമാപിച്ചു. കാവുംവട്ടം എം യു പി സ്കൂളിൽ വെച്ച് കൊയിലാണ്ടി നഗരസഭ ചെയർപേഴ്സൺ യുകെ ചന്ദ്രൻ ഉദ്ഘാടനം ചെയ്തു. വാർഡ് കൗൺസിലർ ഹൈറുനിസ അധ്യക്ഷത വഹിച്ചു. ചടങ്ങിൽ വെച്ച് എൻഎസ്എസ് വളണ്ടിയർമാർക്കുള്ള ഉപഹാര സമർപ്പണം നടന്നു.
കാവുവട്ടം എംയുപി സ്കൂൾ ഹെഡ്മിസ്ട്രസ് ഷർമിള,എസ് വി എ ജി എച്ച് എസ് പ്രിൻസിപ്പിൾ അമ്പിളി കെ കെ, എം യു പി സ്കൂൾ എം പി ടി എ പ്രസിഡണ്ട് റിഷാന, എസ് വി എ ജി എച്ച് എസ് പിടിഎ പ്രസിഡന്റ് ടി ബാബു, എം പി ടി എ പ്രസിഡന്റ് എ എം മിനി, പി പി ഫാസിൽ എന്നിവർ സംസാരിച്ചു. പ്രോഗ്രാം ഓഫീസർ സോളമൻ ബേബി സ്വാഗതവും വളണ്ടിയർ ലീഡർ അശ്വന്ത് നന്ദിയും പറഞ്ഞു.
