കൊയിലാണ്ടി നഗരസഭ കുടുംബശ്രീ വിപണനമേള ആരംഭിച്ചു
കൊയിലാണ്ടി: കൊയിലാണ്ടി നഗരസഭ കുടുംബശ്രീ ഓണം വിപണന മേളക്ക് ആരംഭിച്ചു. നഗരസഭയുടെ ഓണാഘോഷങ്ങളുടെ ഭാഗമായി ഒരുക്കിയ മേള നഗരസഭ അധ്യക്ഷ സുധകിഴക്കേപ്പാട്ട് ഉദ്ഘാടനം ചെയ്തു. വൈസ് ചെയർമാൻ അഡ്വ. കെ.സത്യൻ അധ്യക്ഷത വഹിച്ചു. ആഗസ്ത് 26 മുതൽ സെപ്തമ്പർ 3 വരെ നീളുന്ന മേള സംഘടിപ്പിക്കുന്നത്.
.
.
വിവിധ ദിവസങ്ങളിലായി ഭിന്നശേഷി സർഗോത്സവം, ഘോഷയാത്ര, നാടൻപാട്ട്, സിനിമകൾ, കുടുംബശ്രീ, അംഗൻവാടി, ആശ വർക്കർ, ഹരിത കർമസേന അംഗങ്ങളുടെ കലാപരിപാടികൾ, ബാലസഭ, ഏകദിന ശില്പശാല, ഗസൽ, അംഗൻവാടി കലോത്സവം, ഇശൽ, സുംബാ നൃത്തം, വയോജന സംഗമം, നാടകം (ലക്ഷ്മണ രേഖ), ജനപ്രതിതിനിധി സംഗമം, സ്റ്റാഫ്‌, കൗൺസിൽ കലാപരിപാടികൾ, ജാനു തമാശ, ഓൾഡ് ഈസ് ഗോൾഡ് (ജയചന്ദ്രൻ പാട്ടുകൾ) എന്നിവ നടക്കും.
.
.
ടൗൺ ഹാളിൽ നടന്ന ഉദ്ഘാടന പരിപാടിയിൽ നഗരസഭ സ്റ്റാൻ്റിഗ് കമ്മിറ്റി ചെയർമാന്മാരായ കെ.ഷിജു, കെ.എ. ഇന്ദിര, നിജില പറവക്കൊടി, കൗൺസിലർ വത്സരാജ് കേളോത്ത്, ശശി കോട്ടിൽ, പി.കെ. രഘുനാഥ്, മെമ്പർ സെക്രട്ടറി വി. രമിത, സി.ഡി.എസ്. അധ്യക്ഷരായ എം.പി. ഇന്ദുലേഖ, കെ.കെ. വിബിന എന്നിവർ സംസാരിച്ചു.
.
