അടിക്കാടിനു തീ പിടിച്ച് രണ്ടിടത്തായി അപകടം

അടിക്കാടിനു തീ പിടിച്ച് രണ്ടിടത്തായി അപകടം. മൂടാടി പഞ്ചായത്തിലെ ഗോപാലപുരം ഗോഘലെ യുപി സ്കൂളിന് സമീപത്തുള്ള കാടിനും പുല്ലിനുമാണ് ഇന്ന് ആദ്യമായി ഉച്ചയ്ക്ക് 2 മണിയോടെ  തീപിടുത്തം ഉണ്ടായത്. വിവരം കിട്ടിയതിനെത്തുടർന്ന് കൊയിലാണ്ടിയിൽ നിന്നും അഗ്നിരക്ഷാ സേനാംഗങ്ങൾ എ എസ് ടി ഓ പ്രമോദ് പി കെ യുടെ നേതൃത്വത്തിൽ എത്തുകയും വെള്ളം ഉപയോഗിച്ച് തീ അണക്കുകയും ചെയ്തു. സേനാംഗങ്ങളായ പ്രദീപ്,നിധി പ്രസാദ്, അനൂപ്, സനൽരാജ്, ഷാജു ഹോംഗാർഡ് രാജീവ് എന്നിവർ തീയിണക്കുന്നതിൽ ഏർപ്പെട്ടു.

തുടർന്ന് വൈകീട്ട് 4 മണിക്ക് മുചുകുന്ന് കോളേജ് പരിസരത്തെ കാടിനും തീ പിടിക്കുകയുണ്ടായി. കൊയിലാണ്ടി അഗ്നിരക്ഷാ സേനാംഗങ്ങൾ എത്തി വെള്ളം ഉപയോഗിച്ച് തീയണച്ചു. സ്റ്റേഷൻ ഓഫീസർ ആനന്ദൻ സിപിയുടെ നേതൃത്വത്തിൽ സേനാംഗങ്ങളായ ബബീഷ്, അഖില്‍, നിതിൻരാജ്, ബാലൻ, പ്രദീപ് എന്നിവർ തീയണക്കുന്നതിൽ ഏർപ്പെട്ടു.