ചെങ്ങോട്ടുകാവിൽ ബൈക്കപകടത്തിൽ കാപ്പാട് സ്വദേശിയായ യുവാവ് മരിച്ചു

കൊയിലാണ്ടി: ദേശീയ പാതയിൽ ബൈക്ക് അപകടം യുവാവ് മരിച്ചു. കാപ്പാട് അഴീക്കൽ കണ്ണൻ കടവ് പുറംപോക്കിൽ പടന്നയിൽ ഷാജിയുടെയും, ബിന്ദുവിൻ്റെയും മകൻ അക്ഷയ് (21) ആണ് മരണമടഞ്ഞത്. രാത്രി 9 മണിയോടെ ചെങ്ങോട്ട്കാവ് പഴയ പഞ്ചായത്ത് ഓഫീസിനു മുന്നിലാണ് സംഭവം. അക്ഷയ് ഓടിച്ച് ബൈക്ക് കണ്ടെയിനിർ ലോറിയുമായി കൂട്ടിയിടിക്കുകയായിരുന്നു. കൊയിലാണ്ടി ശോഭിക ടെക്സ്റ്റൈൽസിലെ ബില്ലിംഗ് സെക്ഷനിലെ ജീവനക്കാരനാണ്. സഹോദരൻ അജയ്. കൊയിലാണ്ടി പോലീസും ഫയർഫോഴ്സും സ്ഥലത്തെത്തി നടപടിക്രമങ്ങൾ പൂർത്തിയാക്കി മൃതദേഹം മോർച്ചറിയിലേക്ക് മാറ്റി.