വിദ്യാര്‍ത്ഥിയില്‍ നിന്ന് 2000 രൂപ പിഴ ഈടാക്കിയ പൊലീസുകാരന് സസ്പെന്‍ഷന്‍
തിരുവനന്തപുരം: ശ്രീകാര്യത്ത് ബലിയിടാന്‍ പോയ വിദ്യാര്‍ഥിയില്‍ നിന്ന് 2000 രൂപ പിഴ ഈടാക്കിയ പൊലീസിനെതിരെ നടപടി. ശ്രീകാര്യം സ്റ്റേഷനിലെ സിവില്‍ പൊലീസ് ഓഫിസര്‍ അരുണ്‍ ശശിയെ ആണ് സസ്പെന്‍ഡ് ചെയ്തത്. പിഴയായി രണ്ടായിരം രൂപ വാങ്ങിയശേഷം അഞ്ഞൂറ് രൂപയുടെ രസീത് നല്‍കിയതിനാണ് നടപടി.
ഇന്നലെ ബലിതര്‍പ്പണത്തിന് അമ്മക്കൊപ്പം പോയ നവീനെ പൊലീസ് തടഞ്ഞ് പിഴ ഈടാക്കുകയായിരുന്നു. കോവിഡ് മാനദണ്ഡങ്ങള് ലംഘിച്ചതിനാണ് പിഴ ഈടാക്കിയത്.
