രാഹുൽഗാന്ധിയുടെ അകമ്പടി വാഹനത്തിനടിയിൽപെട്ട് ഡി.വൈ.എസ്.പിക്ക് പരിക്ക്
കൊയിലാണ്ടി: കോണ്ഗ്രസ് നേതാവും എംപിയുമായ രാഹുല് ഗാന്ധിയുടെ അകമ്പടി വാഹനം കാലിലൂടെ കയറിയിറങ്ങി വടകര ഡിവൈഎസ്പിക്ക് പരിക്കേറ്റു. ഇതേ തടർന്ന് ഡിവൈഎസ്പി മൂസ വള്ളിക്കാടനെ കൊയിലാണ്ടി താലൂക്ക് ആശുപത്രിയില് പ്രവേശിപ്പിച്ചു. ഡിവൈഎസ്പിയുടെ കാല്വിരലിന് പൊട്ടലുണ്ടെന്ന് പരിശോധനയില് കണ്ടെത്തിയതിനാല് കാലിന് പ്ലസ്റ്റർ ഇട്ടിട്ടുണ്ട്.
രണ്ടാഴ്ചത്തെ വിശ്രമം ഡോക്ടര്മാര് നിര്ദ്ദേശിച്ചിട്ടുണ്ട്. കൊയിലാണ്ടി പേരാമ്പ്ര എന്നിവടങ്ങളിലെ യുഡിഎഫ് സ്ഥാനാര്ഥിക്കായി പ്രചരണത്തിനെത്തിയ രാഹുല് പ്രസംഗത്തിന് ശേഷം മടങ്ങുന്നതിനിടെയാണ് അകമ്പടി വാഹനം ഡിവൈഎസ്പിയുടെ കാലില് കയറിയത്. കൊയിലാണ്ടി സ്റ്റേഡിയത്തിലായിരുന്നു പരിപാടി. ഉടന് തന്നെ പോലീസ് വാഹനത്തില് അദ്ദേഹത്തെ ആശുപത്രിയിലേക്ക് മാറ്റുകയായിരുന്നു.