ബാലുശ്ശേരിയിൽ പൊലീസ് സ്പെഷൽ റെയ്ഡിൽ 2 പേർ അറസ്റ്റിൽ
ബാലുശ്ശേരിയിൽ പൊലീസ് സ്പെഷൽ റെയ്ഡിൽ 2 പേർ അറസ്റ്റിൽ. മയക്കുമരുന്ന് വിൽപനക്കാരെയും മുൻ കുറ്റവാളികളെയും വാറണ്ട് നിലവിലുള്ളവരെയും പശോധിക്കുന്നതിനായി ബാലുശ്ശേരി പൊലീസ് നടത്തിയ സ്പെഷൽ ഡ്രൈവിൻ്റെ ഭാഗമായി രണ്ടു പേരെ അറസ്റ്റ് ചെയ്തു. കോടതി പിടികിട്ടാപ്പുള്ളിയായി പ്രഖ്യാപിച്ച മോഷണ കേസ് പ്രതികളായ പയ്യോളി സ്വദേശി ഷിൽജേഷ് (32), മദ്യ വിൽപന കേസിലെ പ്രതി കരിയാത്തൻകാവ് കായക്കൽ പ്രകാശൻ എന്നിവരാണ് അറസ്റ്റ് ചെയ്തത്. തിക്കോടി സ്വദേശി സഞ്ജയ്, ചെപ്പവയൽ ഫാസിൽ, വട്ടോളി ബസാർ മൂടാട്ട് ഫഹദ് എന്നിവർക്കെതിരെ കേസെടുക്കുകയും ചെയ്തു. അറസ്റ്റ് ചെയ്തവരെ കോടതിയിൽ ഹാജരാക്കി റിമാൻഡ് ചെയ്തു.
പരിശോധനക്ക് എസ്. എച്ച്. ഒ ഐ. പി. സുരേഷ്കുമാർ, എസ്. ഐ മാരായ പി. റഫീഖ്, അബ്ദുൽ റഷീദ്, എസ്. സി. പി. ഒ മാരായ അബ്ദുൽ കരീം, ഗോകുൽ, സി. പി. ഒ മാരായ അഭിൻ, ജ്യോതിഷ് രാജ്, ഹോംഗാർഡ് രവീന്ദ്രൻ എന്നിവർ നേതൃത്വം നൽകി.