കേരള സ്‌റ്റേറ്റ് സര്‍വ്വീസ് പെന്‍ഷനേഴ്‌സ് അസോസിയേഷന്‍ നിയോജകമണ്ഡലം സമ്മേളനം
കൊയിലാണ്ടി: കേരള സ്‌റ്റേറ്റ് സര്‍വ്വീസ് പെന്‍ഷനേഴ്‌സ് അസോസിയേഷന്‍ നിയോജകമണ്ഡലം സമ്മേളനം ഡിയസിയസി. പ്രസിഡണ്ട് അഡ്വ. കെ. പ്രവീണ്‍ കുമാര്‍ ഉദ്ഘാടനം ചെയ്തു. സമൂഹത്തിന്റെ താഴെത്തട്ടില്‍ രൂപീകരിക്കുന്ന സി.യു.സി.കള്‍ ജീവകാരുണ്യ പ്രവര്‍ത്തനങ്ങള്‍ ഏറ്റെടുത്തു നടത്തണമെന്ന് അദ്ധേഹം അഭിപ്രായപ്പെട്ടു. പെന്‍ഷന്‍ പിഷ്‌കരണ ക്ഷാമാശ്വാസ കുടിശ്ശിക ഉടന്‍ലഭിക്കുന്നതിനു വേണ്ടിയുള്ള പ്രക്ഷോഭ പരിപാടികള്‍ നടന്നുകൊണ്ടിരിക്കുന്ന കാലഘട്ടത്തില്‍ നടക്കുന്ന സമ്മേളനത്തിന് നിയോജകമണ്ഡലം കമ്മിറ്റി പ്രസിഡണ്ട് ടി.കെ. കൃഷ്ണന്‍ അധ്യക്ഷത വഹിച്ചു.
മുതിര്‍ന്ന പെന്‍ഷന്‍കാരായ ഇയ്യച്ചേരി കുഞ്ഞിക്കൃഷ്ണന്‍, കെ. ഗംഗാധരന്‍, എം.ടി. കൃഷ്ണന്‍, സിനിമ പിന്നണി ഗായികയും 2020 സരിഗമപ വിന്നറുമായ ആര്യനന്ദ ആര്‍ ബാബു എന്നിവരെ കൊയിലാണ്ടി ബ്ലോക്ക് കോണ്‍ഗ്രസ്സ് കമ്മിറ്റി പ്രസിഡന്റ് വി.വി. സുധാകരന്‍ ആദരിച്ചു. സംസ്ഥാന സെക്രട്ടറിയേറ്റംഗം സി. രവീന്ദ്രന്‍, ജില്ലാ പ്രസിഡണ്ട് കെ.സി. ഗോപാലന്‍, നിയോജകമണ്ഡലം സെക്രട്ടറി വി. ശിവദാസന്‍, പി. രത്‌നവല്ലി, ടി.വി. പവിത്രന്‍ എന്നിവര്‍ സംസാരിച്ചു. തുടര്‍ന്ന് നടന്ന പ്രതിനിധി സമ്മേളനം സംസ്ഥാന സെക്രട്ടറി പി.എം. അബ്ദുറഹ്മാന്‍ ഉദ്ഘാടനം ചെയ്തു.
