വിശ്വാസത്തിന്റെ പേരില് മോദി ഒഴുക്കുന്നത് മുതലക്കണ്ണീര്: ചെന്നിത്തല
തിരുവനന്തപുരം: വിശ്വാസത്തിന്റെ പേരില് പ്രധാനമന്ത്രി നരേന്ദ്രമോദി മുതലക്കണ്ണീര് ഒഴുക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ജനങ്ങളെ കബളിപ്പിക്കാനാണെന്നും ചെന്നിത്തല വാര്ത്താസമ്മേളനത്തില് പറഞ്ഞു.
ശബരിമല വിഷയത്തില് കേന്ദ്രം ഓര്ഡിനന്സ് കൊണ്ട് വരാത്തത് എന്തുകൊണ്ടെന്നും ചെന്നിത്തല ചോദിച്ചു. പുനഃപരിശോധനാ ഹര്ജി നല്കാന്പോലും ബിജെപിയോ ശബരിമല കര്മസമിതിയോ തയാറായിട്ടില്ല. എന്തുകൊണ്ടാണ് ഭരണഘടനാ ഭേദഗതി വരുത്താന് തയ്യറാവാത്തതെന്നും ചെന്നിത്തല ചോദിച്ചു. ഇപ്പോള് എല്ലാം ചെയ്യുമെന്ന് പറയുന്നത് ആളുകളെ കബളിപ്പിക്കാനാണ്. വിശ്വാസികള്ക്ക് വേണ്ടി എന്നും നിലനിന്നത് യുഡിഎഫാണെന്നും ചെന്നിത്തല പറഞ്ഞു.