മുത്താമ്പിയിൽ ഓടിക്കൊണ്ടിരുന്ന കാറിനു തീപിടിച്ചു
കൊയിലാണ്ടി: മുത്താമ്പിയിൽ ഓടിക്കൊണ്ടിരുന്ന കാറിനു തീ പിടിച്ചു. മുത്താമ്പി വൈദ്യരങ്ങാടിക്കടുത്തു വെച്ചാണ് സംഭവം. വിജീഷ് പഞ്ചമിയുടെ ഉടമസ്ഥതയിലുള്ള മഹിന്ദ്ര കാറിൻ്റെ മുൻവശത്താണ് തീപിടിച്ചത്. ഓടിക്കൊണ്ടിരിക്കെ പുക ഉയരുന്നത് കണ്ട് വണ്ടി നിർത്തുകയായിരുന്നു. നാട്ടുകാരും, കൊയിലാണ്ടി അഗ്നി രക്ഷാ സേനയും ചേർന്ന് തീയണച്ചു. ഇന്നലെ രാത്രി 9മണിയോടു കൂടിയാണ് സംഭവം. കൊയിലാണ്ടിയിൽ നിന്നും അഗ്നിരക്ഷാ സേനാംഗങ്ങൾ എത്തി വാട്ടർ മിസ്ററ് ഉപയോഗിച്ച് പൂർണമായും തീ അണച്ചു. സ്റ്റേഷൻ ഓഫീസർ സി.പി.ആനന്ദൻ്റെ നേതൃത്വത്തിൽ എസ്.എഫ്.ആർ.ഒ. വി.കെ. ബാബു, എഫ്.ആർ.ഒ മാരായ വി.കെ.ബിനീഷ് ബി, ഹേമന്ദ്, കെ. ബിനീഷ്, പി .വി. മനോജ് എന്നിവർ രക്ഷാ പ്രവർത്തനത്തിൽ ഏർപ്പെട്ടു.