ബൈപാസ് നിര്മാണം പനച്ചിക്കുന്ന് നിവാസികളുടെ കുടിവെള്ളം മുട്ടിക്കുന്നു
കൊയിലാണ്ടി: നന്തി-ചെങ്ങോട്ടുകാവ് ബൈപാസ് നിര്മാണം മരളൂര് പനച്ചിക്കുന്ന് നിവാസികളുടെ കുടിവെള്ളം മുട്ടിക്കുമോ എന്ന് ആശങ്ക. പദ്ധതിയുടെ ഭാഗമായി കിണര് മൂടാനാണ് സാധ്യത. പനച്ചിക്കുന്നിലെ അൻപതോളം കുടുംബങ്ങളുടെ ആശ്രയമാണ് ഈ കിണര്. കനാലിനു സമീപം 25 വര്ഷം മുമ്പ് നഗരസഭ കുഴിച്ച കിണറാണിത്. ഇവിടെ കനാലിനു മുകളില് അടിപ്പാത നിര്മിച്ച് കിണര് സംരക്ഷിക്കണമെന്ന് മരളൂര് ബഹുജന കൂട്ടായ്മ ആവശ്യപ്പെട്ടു. നഗരസഭ കൗണ്സിലര് എന്.ടി. രാജീവന് അധ്യക്ഷത വഹിച്ചു. കണ്വീനര് ഉണ്ണികൃഷ്ണന് മരളൂര്, ഗിരീഷ് പുതുക്കുടി, സുകുമാരന് കുനിയില്, എം.ടി. സന്തോഷ്, പി.ടി. ഷിജു, പി.കെ. സുനില്, പി.കെ. ഷിനു എന്നിവര് സംസാരിച്ചു.