പാലാരിവട്ടം മേല്പ്പാലം അഴിമതി: സുമിത് ഗോയലിനെ വിജിലന്സ് ചോദ്യം ചെയ്തു
കൊച്ചി: പാലാരിവട്ടം മേല്പ്പാലം അഴിമതിക്കേസിലെ ഒന്നാം പ്രതി സുമിത് ഗോയലിനെ വിജിലന്സ് അന്വേഷണ സംഘം ചോദ്യം ചെയ്തു. പാലം നിര്മ്മിച്ച ഡല്ഹി കേന്ദ്രമായി പ്രവര്ത്തിക്കുന്ന കരാര് കന്പനിയായ ആര്ഡിഎസ് പ്രോജക്ട്സിന്റെ എംഡിയാണ് സുമിത് ഗോയല്. കൊച്ചിയിലെ വിജിലന്സ് ആസ്ഥാനത്തേക്ക് വിളിച്ചുവരുത്തിയാണ് ചോദ്യം ചെയ്യല് നടന്നത്.
ആര്ഡിഎസിന്റെയും സുമിത് ഗോയലിന്റെയും മുഴുവന് ബാങ്ക് അക്കൗണ്ട് രേഖകളും വിജിലന്സ് സംഘം നേരത്തേ പിടിച്ചെടുത്തിരുന്നു. സുമിതിന്റെ ബാങ്ക് അക്കൗണ്ടില് നിന്ന് രാഷ്ട്രീയ നേതാക്കള്ക്കും ഉദ്യോഗസ്ഥര്ക്കും പണം കൈമാറിയോ എന്നറിയാനായിരുന്നു വിജിലന്സിന്റെ നടപടി. ഇതുമായി ബന്ധപ്പെട്ട രേഖകള് വിജിലന്സിന്റെ കൈയിലുണ്ട്.