നെഞ്ചുവേദന അനുഭവപ്പെട്ട യുവാവിന് രക്ഷകരായി ഫയര്‍ഫോഴ്സ്
നാദാപുരം: ബൈക്ക് യാത്രക്കിടെ നെഞ്ചുവേദന അനുഭവപ്പെട്ട യുവാവിന് ഫയര്‍ഫോഴ്സ് രക്ഷകരായി. ചൊവ്വാഴ്ച രാവിലെ ബൈക്കില്‍ മീന്‍ വില്‍പനക്ക് സഞ്ചരിക്കുകയായിരുന്ന വാണിമേല്‍ പൂവത്താന്‍റവിട സലീമിനാണ് ഫയര്‍ഫോഴ്സിൻ്റെ സന്ദര്‍ഭോചിത ഇടപെടല്‍ തുണയായത്. ചേലക്കാട് ഫയര്‍ ഓഫിസിന് മുന്നില്‍ നെഞ്ചുവേദന അനുഭവപ്പെട്ട ഇയാള്‍ ഓഫിസ് വളപ്പിലേക്ക് ബൈക്ക് ഓടിച്ചുകയറ്റി സഹായം അഭ്യര്‍ഥിക്കുകയായിരുന്നു. ഉദ്യോഗസ്ഥര്‍ ഉടന്‍ സേനയുടെ ആംബുലന്‍സില്‍ ഇയാളെ നാദാപുരം താലൂക്ക് ആശുപത്രിയില്‍ എത്തിച്ചു. പരിശോധനയില്‍ തകരാറ് കണ്ടെത്തിയതിനെ തുടര്‍ന്ന് വിദഗ്ധ ചികിത്സക്കയച്ചു.
