തോക്ക് കൈവശം വച്ചതിന് വയോധികനെ പോലീസ് അറസ്റ്റു ചെയ്തു
പേരാമ്പ്ര: ലൈസൻസ് ഇല്ലാത്ത നാടൻ തോക്ക് കൈവശം വച്ചതിന് വയോധികനെ പേരാമ്പ്ര പോലീസ് അറസ്റ്റു ചെയ്തു. ചേനോളി മുണ്ടനാട്ട് താഴെ പാച്ചർ (82) ആണ് അറസ്റ്റിലായത്. വീട്ടിൽ അനധികൃതമായി മദ്യം സൂക്ഷിച്ചിട്ടുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ നടന്ന റെയ്ഡിലാണ് തോക്ക് കണ്ടെത്തിയത്. ഒരു കുപ്പി മദ്യം മാത്രമാണ് കണ്ടെത്തിയത്. മുമ്പ് ലൈസൻസ് ഉണ്ടായിരുന്നെങ്കിലും പുതുക്കിയിരുന്നില്ല.