ഗുഡ്സ്ജീപ്പ് താഴ്ചയിലേയ്ക്ക് മറിഞ്ഞ് നാലു പേര്‍ക്ക് പരിക്ക്
കോടഞ്ചേരി: കൂരോട്ടുപാറയിലെ കലുങ്കിൽ നിന്ന് ഗുഡ്സ്ജീപ്പ് താഴ്ചയിലേയ്ക്ക് മറിഞ്ഞു. ജീപ്പിലുണ്ടായിരുന്ന മൂന്ന് പേർക്കും വഴിയാത്രക്കാരിയായ വീട്ടമ്മയ്ക്കും പരിക്കേറ്റു. വാഴേപ്പറന്പിൽ ഫിലിപ്പോസിന്‍റെ ഭാര്യ മേഴ്സി (42), ജീപ്പ് ഡ്രൈവർ മാനിപുരം സ്വദേശി ഷബരത്ത് (23), അബ്ദുറഹിമാൻ (26), ഇക്ബാൽ (18) എന്നിവർക്കാണ് പരിക്ക്. ഇവരെ ഓമശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചാണപ്പൊടി കയറ്റി വരികയായിരുന്ന വാഹനം ആക്സിൽ പൊട്ടി നിയന്ത്രണം വിട്ട് കലുങ്കിൽ നിന്ന് താഴേയ്ക്ക് വീഴുകയായിരുന്നു. വാഹനം പാടെ തകർന്നു.
