കടയിൽ കള്ളനോട്ട് നൽകാൻ ശ്രമിച്ച യുവാവ് പിടിയിൽ
കോഴിക്കോട്: കടയിൽ കള്ളനോട്ട് നൽകാൻ ശ്രമിച്ച യുവാവ് പിടിയിൽ. മലയമ്മ ചൂരക്കാട്ട് താമസിക്കുന്ന കുന്നമംഗലം പന്തീർപാടം പാലക്കൽ മിൻസർ ബാബു(38)ആണ് പിടിയിലായത്. മെഡിക്കൽ കോളജിന് സമീപം കോവൂരിലെ കടയിൽ 2000 രൂപ നൽകിയപ്പോൾ സംശയംതോന്നിയ കടക്കാരൻ പോലീസിനെ അറിയിക്കുകയായിരുന്നു. പോലീസ് പരിശോധനയിൽ 2000 രൂപയുടെ നാല് നോട്ടുകളും 500രൂപയുടെ 68 നോട്ടുകളും കണ്ടെടുത്തു. ഇയാളിൽ നിന്നു ലഭിച്ച വിവരത്തിന്റ അടിസ്ഥാനത്തിൽ മൂന്ന് പേരെക്കൂടി പോലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്.