കൊച്ചി മെട്രോ സര്‍വീസ് വിവരങ്ങള്‍ ഇനി ഗൂഗിള്‍ മാപ്പിലും ലഭ്യം
കൊച്ചി: പൊതുഗതാഗത സംവിധാനവുമായി മെട്രോയെ ബന്ധിപ്പിക്കുന്നതിന്‍റെ ഭാഗമായി, കൊച്ചി മെട്രോ സര്‍വീസ് വിവരങ്ങള്‍ ഇനി ഗൂഗിള്‍ മാപ്പിലും ലഭിക്കും. മെട്രോ സേവനങ്ങളുടെ വിവരങ്ങള്‍ ഗൂഗിള്‍ മാപ്പില്‍ ലഭ്യമാകുന്നതോടെ കൊച്ചി മെട്രോ കൂടുതല്‍ ജനകീയമാകുമെന്ന് കെഎംആര്‍എല്‍ എംഡി എ.പി.എം. മുഹമ്മദ് ഹനീഷ് പറഞ്ഞു. മെട്രോ സ്റ്റേഷനുകള്‍, റൂട്ട്, ടൈമിംഗ്, നിരക്ക് തുടങ്ങിയ വിവരങ്ങളാണ് ഗൂഗിള്‍ മാപ്പില്‍ ലഭ്യമാക്കിയിട്ടുള്ളത്.
