കെ റെയിൽ പദ്ധതി ഉപേക്ഷിക്കണമെന്ന് ആവശ്യപ്പെട്ടുകൊണ്ടുളള സമരം 70 ദിവസം പിന്നിട്ടു
കൊയിലാണ്ടി: അര്‍ധ അതിവേഗ റെയില്‍ പദ്ധതി ഉപേക്ഷിക്കണമെന്ന് ആവശ്യപ്പെട്ട് വെങ്ങളത്ത് നടക്കുന്ന സത്യഗ്രഹത്തിൻ്റെ 70ാ‍ം ദിവസ പരിപാടി ഡോ. ആസാദും, എഴുത്തുകാരി എം.എ. ഷഹനാസും ഉദ്ഘാടനം ചെയ്തു. 70 സത്യഗ്രഹികള്‍ക്കുള്ള ബാഡ്ജ്‌ വിതരണം ഇരുവരും ചേർന്ന് നിർവ്വഹിച്ചു.
കുട്ടികളുടെ കലാപരിപാടികള്‍ സിനിമ-സീരിയല്‍ നടന്‍ ദിനേഷ്‌ കുമാറും സായാഹ്ന സമ്മേളനം കെ.എസ്‌. ഹരിഹരനും ഉദ്ഘാടനം ചെയ്തു. ഖാലിദ്‌ ഗുരുക്കളുടെ സംഗീതവിരുന്ന് അരങ്ങേറി. ജനകീയ പ്രതിരോധ സമിതി ചെയര്‍മാന്‍ ടി.ടി. ഇസ്മാഈല്‍ അധ്യക്ഷത വഹിച്ചു. ജന. കണ്‍വീനര്‍ കെ. മൂസക്കോയ സ്വാഗതം പറഞ്ഞു. മണിദാസ്‌ കോരപ്പുഴ, നജീബ്‌ അഭിലാഷ്‌, പി.കെ. സഹീര്‍, സുനീഷ്‌ കീഴാരി, നസീര്‍ ന്യൂജല്ല, ബാബു ചെറുവത്ത്‌, മുഹമ്മദ്‌ ഫാറൂക്ക്‌, പ്രവീണ്‍ ചെറുവത്ത്‌, പി.കെ. ഷിജു, ലത്തീഫ്‌ റയ്യാന്‍, ഹുബൈബ്‌ എന്നിവര്‍ നേതൃത്വം നല്‍കി.
