എകെജി സെന്റർ ആക്രമണം; കോൺഗ്രസ്സ് വനിതാ നേതാവിനെയും ചോദ്യംചെയ്യും
തിരുവനന്തപുരം: എകെജി സെന്റർ ആക്രമണ കേസിൽ അറസ്‌റ്റിലായ യൂത്ത് കോൺഗ്രസ്‌ നേതാവ്‌ ജിതിന്റെ സുഹൃത്തുക്കളെയും ചോദ്യംചെയ്യും. തലസ്ഥാനത്തെ കോൺഗ്രസ്‌ വനിതാ നേതാവിനെ ചോദ്യം ചെയ്യാനാണ്‌ അടുത്ത നീക്കം. പ്രതി ജിതിന്‌ സ്‌കൂട്ടർ എത്തിച്ച്‌ നൽകിയത്‌ രാഷ്‌ട്രീയക്കാരിയായ ഈ സുഹൃത്താണെന്നാണ്‌ പൊലീസിന്‌ ലഭിച്ച വിവരം.
കഴക്കൂട്ടം മേനംകുളം ജിതിന്റെ ഉടമസ്ഥതയിൽ ഉള്ള ലോഡ്‌ജിൽ വെച്ചാണ് ആക്രമണ ഗൂഢാലോചന നടന്നതെന്നും വ്യക്തമായിട്ടുണ്ട്‌. പ്രതിയാക്കണോയെന്നതില്‍ തീരുമാനം ചോദ്യം ചെയ്യലിന് ശേഷമായിരിക്കും. ആക്രമണ ഗൂഡാലോചനയില്‍ മറ്റ് രണ്ട് യൂത്ത് കോണ്‍ഗ്രസുകാര്‍ക്ക് കൂടി പങ്കെന്നും സംയിക്കുന്നതായി അന്വേഷണ ഉദ്യഗോസ്ഥരുമായി ബന്ധപ്പെട്ട് അറിയുന്നു.
